Юбілей Максіма Багдановіча
9 снежня 2021 года грамадскасць Беларусі будзе адзначаць 130-годдзе з дня нараджэння Максіма Багдановіча – паэта, перакладчыка, літаратурнага крытыка.
Усяго дзесяць гадоў доўжылася дзейнасць таленавітага сына беларускай зямлі. Крыўдна мала суджана было пражыць Багдановічу - ён памёр на дваццаць шостым годзе жыцця, напэўна, яшчэ на подступах да таго, што мы звычайна называем «росквітам творчых сіл»…
Максім Багдановіч быў сярод тых піянераў беларускага нацыянальнага адраджэння, хто спрабаваў паказаць месца і ролю беларускага народа ў гісторыі і часе, сфармуляваць нацыянальную ідэю беларусаў, асэнсаваць шляхі далейшага развіцця беларускай нацыі.
Драматызм тэмпераменту, важкасць слова, высокамастацкасць вобраза, філасофскае бачанне, гістарызм і глыбіня мыслення зрабілі яго волатам нацыянальнага адраджэння. Ён стаў уровень з Янкам Купалам, Якубам Коласам, Максімам Гарэцкім.
І нам, хто ўжо жыве ў XXI стагоддзі, спадчына паэта цікавая, блізкая і зразумелая, таму што творы яго напоўнены агульначалавечымі каштоўнасцямі, вартасць якіх з гадамі толькі расце.
